ພວກເຮົາມາຮຽນຮູ້ ກ່ຽວກັບວຽກງານການຫຼຸດຜ່ອນຄວາມສ່ຽງໄພພິບັດ ທີ່ມີສ່ວນຮ່ວມຂອງຄົນພິການນຳກັນ, ເພື່ອລຶບລ້າງສິ່ງກີດຂວາງ ແລະ ສ້າງສະຖານທີ່ ທີ່ດີ ແລະ ປອດໄພສຳລັບທຸກກຄົນ!

ກ່າວຕ້ອນຮັບ ສູ່ການຮຽນທາງອອນໄລນ໌!
ຫຼັກສູດການຮຽນທາງອອນໄລນ໌ນີ້ ເວົ້າເຖິງການກວມລວມເອົາທັດສະນະກ່ຽວກັບຄວາມພິການເຂົ້າໄປໃນທຸກຂັ້ນຕອນຂອງການຫຼຸດຜ່ອນຄວາມສ່ຽງໄພພິບັດ ເຊັ່ນ: ການປ້ອງກັນ; ການກຽມຄວາມພ້ອມ, ການຕອບໂຕ້ ແລະ ການຟື້ນຟູຈາກຜົນກະທົບຈາກໄພພິບັດ.

ພວກເຮົາຮຽກສິ່ງນີ້ວ່າ: ການຫຼຸດຜ່ອນຄວາມສ່ຽງໄພພິບັດທີ່ມີສ່ວນຮ່ວມຂອງຄົນພິການ (DiDRR).

ໃຜແດ່ຄວນຮຽນຫຼັກສູດນີ້

ຫຼັກສູດນີ້ຖືກອອກແບບມາສໍາລັບຜູ້ວາງນະໂຍບາຍກ່ຽວກັບຫຼຸດຜ່ອນຄວາມສ່ຽງໄພພິບັດ ແລະ ພະນັກງານວິຊາການທີ່ເປັນຜູ້ຊ່ຽວຊານໃນຂັ້ນສູນກາງ ແລະ ທ້ອງຖິ່ນ. ຜູ້ສ້າງນະໂຍບາຍກ່ຽວກັບຫຼຸດຜ່ອນຄວາມສ່ຽງໄພພິບັດ ແລະ ພະນັກງານວິຊາການທີ່ເປັນຜູ້ຊ່ຽວຊານ ແມ່ນຕົວແທນການປ່ຽນແປງທີ່ສໍາຄັນໃນການຫຼຸດຜ່ອນຄວາມສ່ຽງໄພພິບັດ. ຜູ້ສ້າງນະໂຍບາຍກ່ຽວກັບຫຼຸດຜ່ອນຄວາມສ່ຽງໄພພິບັດໃນຂັ້ນສູນກາງສາມາດສ້າງກົດຫມາຍ, ນະໂຍບາຍ ແລະ ລະບົບການຫຼຸດຜ່ອນຄວາມສ່ຽງໄພພິບັດ ທີ່ມີວິໄສທັດ. ຜູ້ສ້າງນະໂຍບາຍກ່ຽວກັບຫຼຸດຜ່ອນຄວາມສ່ຽງໄພພິບັດໃນຂັ້ນທ້ອງຖິ່ນສາມາດຜັນຂະຫຍາຍວິໄສທັດດັ່ງກ່າວເຂົ້າສູ່ພາກປະຕິບັດຕົວຈິງ ໂດຍມີນະໂຍບາຍທີ່ລະອຽດ ແລະ ມີການດໍາເນີນການຈັດຕັ້ງປະຕິບັດຕົວຈິງ.

ແນ່ນອນ, ພວກເຮົາຍິນດີຕ້ອນຮັບພາກສ່ວນກ່ຽວຂ້ອງອື່ນໆເຊັ່ນ: ຜູ້ສ້າງນະໂຍບາຍກ່ຽວກັບຄວາມພິການ, ອົງການຈັດຕັ້ງຂອງຄົນພິການ (OPDs), ຜູ້ເຮັດວຽກສະຫນັບສະຫນູນ ຫຼື ໂຄສະນາໃຫ້ຄວາມຮູ້ກ່ຽວກັບຄວາມພິການ ແລະ ພັນທະມິດທີ່ເຮັດວຽກກັບເຂົາເຈົ້າ ເພື່ອສົ່ງເສີມການຫຼຸດຜ່ອນຄວາມສ່ຽງໄພພິບັດທີ່ມີສ່ວນຮ່ວມຂອງຄົນພິການ.