ຫຼັກສູດການຮຽນທາງອອນໄລນ໌ນີ້ ເວົ້າເຖິງການກວມລວມເອົາທັດສະນະກ່ຽວກັບຄວາມພິການເຂົ້າໄປໃນທຸກຂັ້ນຕອນຂອງການຫຼຸດຜ່ອນຄວາມສ່ຽງໄພພິບັດ ເຊັ່ນ: ການປ້ອງກັນ; ການກຽມຄວາມພ້ອມ, ການຕອບໂຕ້ ແລະ ການຟື້ນຟູຈາກຜົນກະທົບຈາກໄພພິບັດ.
ພວກເຮົາຮຽກສິ່ງນີ້ວ່າ: ການຫຼຸດຜ່ອນຄວາມສ່ຽງໄພພິບັດທີ່ມີສ່ວນຮ່ວມຂອງຄົນພິການ (DiDRR).

ຫຼັກສູດນີ້ຖືກອອກແບບມາສໍາລັບຜູ້ວາງນະໂຍບາຍກ່ຽວກັບຫຼຸດຜ່ອນຄວາມສ່ຽງໄພພິບັດ ແລະ ພະນັກງານວິຊາການທີ່ເປັນຜູ້ຊ່ຽວຊານໃນຂັ້ນສູນກາງ ແລະ ທ້ອງຖິ່ນ. ຜູ້ສ້າງນະໂຍບາຍກ່ຽວກັບຫຼຸດຜ່ອນຄວາມສ່ຽງໄພພິບັດ ແລະ ພະນັກງານວິຊາການທີ່ເປັນຜູ້ຊ່ຽວຊານ ແມ່ນຕົວແທນການປ່ຽນແປງທີ່ສໍາຄັນໃນການຫຼຸດຜ່ອນຄວາມສ່ຽງໄພພິບັດ. ຜູ້ສ້າງນະໂຍບາຍກ່ຽວກັບຫຼຸດຜ່ອນຄວາມສ່ຽງໄພພິບັດໃນຂັ້ນສູນກາງສາມາດສ້າງກົດຫມາຍ, ນະໂຍບາຍ ແລະ ລະບົບການຫຼຸດຜ່ອນຄວາມສ່ຽງໄພພິບັດ ທີ່ມີວິໄສທັດ. ຜູ້ສ້າງນະໂຍບາຍກ່ຽວກັບຫຼຸດຜ່ອນຄວາມສ່ຽງໄພພິບັດໃນຂັ້ນທ້ອງຖິ່ນສາມາດຜັນຂະຫຍາຍວິໄສທັດດັ່ງກ່າວເຂົ້າສູ່ພາກປະຕິບັດຕົວຈິງ ໂດຍມີນະໂຍບາຍທີ່ລະອຽດ ແລະ ມີການດໍາເນີນການຈັດຕັ້ງປະຕິບັດຕົວຈິງ.